شنو اسمك بقلم الاستاذ الزروقي جواد
🌹 شنو إسمك 🌹
اه نتي شنو إسمك
عيني فداك النهار شافتك
قلبي شحال بغاك
بلا منعرف سميتك
كنتي كيف الحمامة طايرة
شافتك عيني بقات حايرة
شنو سميتك وفين ساكنة
واش نتي غير ضايفة
ولا راك مني خايفة
أنا راه إنسان بعقلي
وما فياش ريحة الغدر
عيني راه بغاتك
وقلبي تمناك تكوني للحلال
نديرك ضو عيني
وتكوني نتي راس المال
وا قفات وتاقت فكلامي
الوجه تزاير وشحال حمر
قالت لي كلامك حار من الجمر
وباينة فيك انسان محترم وصبار
ما فيكش ريحة الغدر
راه سبب فقدان التقة
هما شي وحدين بحال ذياب
شحال غدرو من صديقة
وخلاوها ضحكة وفضيحة
ونا راه غير خوافة و نية
هادي هيا الحقيقة
عفاك غير سماح لية
نعطيك عنوان دارنا
راني خايفة يشوفني جارنا
ويوصل لدارنا خبارنا
أه ما قلتيش كلام العيب
أنا راه ولد المدينة ومعروف
ماشي براني ولا غريب
راه كلامك صحيح
زمن اليوم ولا صعيب
تخلط فيه الديب مع الحبيب
والشر راه ولا قريب
كلامك معقول ما قلتي عيب
ندخل من الباب حبيب
وما نكونش غدار ولا ذيب
🌹 الزروقي جواد 🌹
المغرب
تعليقات
إرسال تعليق