نزيل دار المسنين بقلم الاستاذ علي عبد الرحيم محمد
نزيل دار المسنين
؛؛؛؛؛؛؛؛؛؛؛؛؛؛؛؛؛؛؛؛؛
في دار المسنين
ملامح مقهوره
وخواطر مكسوره
وأرواح ف الصوره
لابسه توب الليل الحزين
وانا لوهاسامح يازمن
اسامح مين ولا مين
حصدوا عمرنا كله
من غير تمن
وزرعونا ف دار المسنين
ياخساره يازرعة العمر والسنبن
يا كاسر كل حاجه حلوه جوايا
ياللي كنت أملي وهنايا
ليه هنت عليك ياضنايا
ليه تبعني وتشتري الشيطانه
كنت اشتريني اليومين الباقين
اسامح مين يازمن اه ولا مين
وانت صغير كنت ليك الحنان
وبخاف عليك من كل حروف الاحزان
واخاف انام يبعد عنك طير الامان
ليه يا اغلى انسان
ف أرض شيخوختي تزرع جفا وحرمان
وقلبك يموت وتسجني ف بيوت السكوت
وتبعدني عن زكرياتي وعشرتي وحياتي
وريحة دار ميلادي انطق بقى يا سكاتي
وقول ياريت كان سبق ابن قلبي الموت
هو ارحم عليه من غدر وذل السنين
ليه هنت عليك ياضنايا
ليه تبعني وتشتري الشيطانه
ياه يا لمتنا ياه يافرحتنا
ياه يا ريحة عشرتنا وقعدتنا ف بيتنا
يا شبابيك ياحيطان يا طبطبه يا حنان
ياه يا لقمه وكلمه وهمسه وضحكه ودمعه جمعتنا
ياه يا حلم يالحظه حلوه وغنوه رسمت سكتنا
راحوا حبايبنا وللأسف ضعفنا اتزرع ف شيبنا
واشهدوا ع اللي حصد شبابنا واحلامنا وافرحنا
والايام الحلوه ومعاها كفاحنا ونجاحنا
وزرعنا ف دار المسنين
مع الوحده والدق الحزين
ابعدي كارهك يادنيا كارهك ياسنين
مش عايز اعيش ولا ثانيه
ولا اشوف الغدر والخيانه
ولا اشوف تاني بنأدمين
شيخوخه ووحده ضحية قلوب جاحده
من سكان دار المسنين
ويا ابن كبدي كما تدين تدان
ويا اخر الزمان اسامح مين
ولامبن
نزيل دار المسنين
على عبدالرحيم محمد
تعليقات
إرسال تعليق