اسف ع التاخير بقلم الاستاذ شعبان محمد الطحان
آسف ع التأخير.. تأليف شعبان محمد الطحان
آسف ع التأخير
كان نفسى آجى بدرى
وآلحق من عمري
حبه أو لحظه تخلينى أعيد
تفكير
وافكر ميه مره
قبل ما امشي واسيبك
افتكرت انى ف بعدى عنك
الآقي الخير
والآقي الدهب اساور
واللولي معقود ف عقد وخيط
اترينى زي ما اتغربت
رجعت ليكى ياطيبه
بدل الخيبه ميه خيبه
لا لقيت عمري اللي انسرق
ولا قلبى اللى انحرق
ولاالصوت إللي ياما شِرق
وغنَّى..ودندن زي الطير
رجع..وكل حاجه فوق كتافه
غربه..وهموم تتكيل بالويبه
مش قولتلك يا طيبه
ان الغريب عنك
مهما لم ولملم م الدهب قناطير
هيرجع مشتاق زي طفل صغير
بس كله رجع
الا انا..عملت فيها كبير
بس سامحيني ..واعذرينى
وبقولك.. آسف ع التأخير
"""""""
بقلم ابو رحاب الشاعر
تعليقات
إرسال تعليق