عدت سنين بقلم الاستاذ اشرف رسلان

 عَدِتْ سنين 

وِ لِسه برضو قُريبين

مَهما يكون بينا شجار 

أو مِني كانت كلمتين 

الدنيا على دَا وِ دا 

مهما تكون قسوة ومرار 

مستحملين وِ مكملين

احنا ما عُدنا يا حبيبتي 

صغيرين

عِيالنا كِبروا قُدام عِينينا

وِلفرحهم أنا وانتِ دايمًا 

مشتاقين

ياما سهرنا وَياهم سنين

كنا لِيهُم حُضن دافي من 

برد وأنين 

وانتِ واقفة العُمر جَنبي 

تَاج لرَاسي عَ الجبين

كُنت لِيكُم حِيطه سَد 

مِستَحمله قَهر السنين 

هَونِتها كِلمة مِنك 

وَلا بَسمه مِن شَفايفك

ولا إيدِك لَما تمسح مِني

دَمعه بالعِينين

فاتِت مابِينا حَاجات 

أنا وِ انتِ كنا مقصرين 

لما عَدت مَرة تَانيه 

كنا فِيها .. مُدركين

وِمَازِلنا بَرضوا مِ

كملين

     شعر-أشرف رسلان