رحمة قادم بقلم الاستاذ بوسبوله المحجوب
////////+++ رحمة قادم +++////////
قبتك خضرة يالعدناني
تسلب عقول الجاي والغادي
يابورقية مابراني
مازالة معانا يالهادي
يالجامع لقلوب لصفاها
ومركبنا سفينة الباقي
ربي رسلك سرار عطاها
ياللي حبك رفيق وباقي
ياك رسالتك رحمة واشراق
ياحبيب مول القدرة العالي
يامول المعراج والبوراق
ورسالتك معانا متسالي
صلى عليك كل غادي وماشي
ربي وناس لوالة ف زمان
وطيور الباري في عراشي
ياللي سكتو نور وقرءان
ياولد مينة داك المكي
من اتكلم ليه ضبي بكلام
شلى خصايلو منها نحكي
داك من سبح ف كفو طعام
ياك سيدي وموصوف بزعامة
داك الموصوف بنبي الرحمة
احمد لمظلل بغمامة
داك المحمود مول البسمة
جبتي لامتك هذا ذخيرة
حسدوك يابوالقاسم عليها
خليتي لناس سر مسيرة
يربح ويفوز من سارفيها
ارسالتك اسرار التوحيد
والاسلام طاعة لا قوة
ماشي زناد لا ماشي اوقيد
رحمة قادم ماشي قسوة
انت القدوة الدايمة يارسول
ربي للي خثارك ياك لينا
كل ماجبتي ف القلب مقبول
ياعزنا شفيعنا ونبينا
وحنا بالانبية مامنين
من جا يامولانا قبلك
ياك امنا بيهم كاملين
وانت الخاثم لاحد بعدك
////////+++بقلم صقر الحروف الزجال بوسبولة المحجوب +++/
///////
تعليقات
إرسال تعليق