أنا كناوي ومجذوب بقلم الاستاذ محمد دومو

 انا گناوي ومجذوب

(زجل مغربي)

ليكم يا مجذيب بلادي

أنا حاضر اليوم كالنادي

بكم تزيان النزاهة والگلاسي

ولحديث ينغم العادي والبادي

نضوا بجمعنا كاملين نتاحدو 

يد فيد وتوكيلنا فالله الحامي

براكة النبي معانا بشفاعتو

ولي دار التيقة يا ناس ما يخيب

انا لگناوي وصحابي لمجذيب

وأنت يا سمع الندى لا تغيب 

هذا وباء انتشر بسرعة فلبلاد

عمرو قبور الروضة بلعباد

والسبطرات تكدست بلمرضى

الطبيب دايخ ولمريض كيموت

نتعاونو كلنا يا سامعين لكلام

يا مجمع لعباد يا حاملين لعلام

كلا من جيهتو يا فاعل الخير

شعارنا الإجتهاد وبراكا من التخدير

وتحلى بالصبر ؤ واصل السير

بلعقل لمنور والرزانة والتدبير

-بقلم: محمد دومو

-المغرب