كبارية بقلم الاستاذ علي عبد الرحيم محمد
كباريه
؛؛؛؛؛؛؛؛؛؛
الدنيا بنت الايه دي كباريه
عيش من غير ماتسأل دا ايه
ودا ليه ودا كان ايه وبقا ايه
الدنيا بنت الايه دي كباريه
ناس بتشرب كأس حلاوتها
وكل ما تظلم بتذيد ف غلاوتها
وناس بتحلم تهرب من قسوتها
من جحد الزمن واللي فيه
من غير ماتعرف ليه ليه ليه
الدنيا بنت الايه دي كباريه
ياابن ادم يا ابن حواء
الرزق عمره مايجي ب القوه
صحيح الدنيا بنت رقاصه
ومن الخلاصه عايزه الفتوه
والطيب فيها شارب علقم لياليها
وهيه الفاجره كل لحظه تلاقيها
تيجي عليه وتحزن قلبه وتبكي عنيه
من غير مايعرف ذنبه ايه وعمل ايه
الدنيا بنت الايه دي كباريه كباريه
ارمي شبكك ياخال ع الميه
وماتصدقش اللي يقولك
الرزق يحب الخفيه
ارمي شبكك ياخال
وادعي اللي خلقك يصلح الاحوال
وكل فوله و ليها كيال
وكل مهره وليها خيال
وابخات واسعاد
واه لو الحظ عاد
شبكك يصطاد بلاد وبلاد
وماتسألش دا ايه ودا ليه
و بتسأل ياعم ليه ليه
الدنيا بنت الايه دي كباريه
سحر اسود ونار وبخور
وظلم الدنيا فاض ف البحور
والطمع والجشع وسط البشر مبذور
عشان المال يكسر نفس
ويلبس توب الخس
ويشل الروح والحس
ردي وابن ردي
وابن الأرض اللي مابتحس
يازرع الكاهنه والساحره
النداله والقزاره واخدينهم من جزوركم ورث
صحيح الدنيا بنت رقاصه
ومن الخلاصه عايزه الفتوه
لكن ليوم الدين
القلب الطيب الحس الجميل
اللي يداوي ويطيب
هما القوه هما القوه
ضد قسوة الزمن ولياليه
وعيش من غير ماتسال دا ايه
ودا ليه ودا كان ايه وصبح ايه
وبتسال ياعم ليه ليه
الدنيا بن
ت الايه دي كباريه
كباريه
كلمات على عبدالرحيم محمد
تعليقات
إرسال تعليق