خروج نص بقلم الاستاذ احمد عزت

خروج عن نص
وسط سيناريو كان كوميدى
فماهتمش
وشاف الدمع في عنيها نتيجة ضحك
ولا فهم إن أحيانا ستار الخوف
من الرد اللى مش مطلوب
بيخفي حقيقة الإحساس
فبتكمل بدون تركيز
في وسط إستوديو لا مبالاه
فيتمنتج حوارها معاه .. وراح الصدق من بوحها
عشان شايف كلامها جنان
ومتعود على هزارها
وعدى الموقف القاسي على روحها
فقلبها داق مرار الصبر
وهو الفيلم كان عادى على قلبه
#أحمد_عزت